Events

स्यानिटरी प्याड वितरणका साथै घरेलु हिंसा र छाउपडि प्रथा बारे जनचेतनामूलक कार्यक्रम

2May, 2022

नेपाल स्काउट सुदूरपश्चिम प्रदेश स्थानिय स्काउट तदर्थ समिति महाकालि नगरपालिका,दार्चुला संयोजक श्री डम्बर बहादुर सिंहले स्यानिटरी प्याडको व्यवस्था गरि कैलासपति व्वाय,गर्ल क्र्युमा आबद्ध स्काउटरको सक्रिय सहभागिता र YESS Girls Moment मा सहभागी स्काउटर सर्मिला मन्यालको नेतृत्वमा महाकालि नगरपालिका भित्रका वडा नं.१,४,५ मा रहेका समुदायमा स्यानिटरी प्याड बैशाख १३ देखि १५ गते सम्म वितरण गरि ,घरेलु हिंसा र छाउपडिको प्रथाको अन्त्यको लागि जनचेतनामुलक कार्यक्रम निरन्तर चलिरहेको छ ।

महिला हिंसा र छाउपडि प्रथाको अन्त्यको लागि जनचेतनामुलक कार्यक्रम सुभारम्भ गरेको स्थानिय स्काउट तदर्थ समिति संयोजक श्री डम्बर बहादुर सिंहले बताउनु भएको छ । यस्ता किसिमका जनचेतनामूलक कार्यक्रमले नेपाल स्काउट सुदूरपश्चिम प्रदेशको मुहार छिट्टै फेरिने कुरामा विस्वस्थ छौ । महिनावारी भएको समयमा के के गर्न हुन्छ, के के गर्न हुदैन, महिलालाई घरेलु हिंसाबाट कसरी बचाउने, घरेलु हिंसा नहुन के के गर्ने, कसैले घरेलु हिंसा गरेमा वा गर्न लगाएमा कुन कुन निकायमा गएर उजुरी दिने कुरा स्काउटर सर्मिला मन्यालले समुदायका महिलाहरुलाई स्पष्ट पारेकि छिन् ।

स्काउट आधारभुत तालिम सम्पन्न

1February, 2022

नेपाल स्काउट राष्ट्रिय तालिम केन्द्र ककनिमा २०७८ पौष १५ गतेबाट सुरु भएको
स्काउट आधारभुत तालिम पौष २१ गते
पूर्ण रुपमा सम्पन्न भएको छ ।
सुदूरपश्चिम प्रदेशका ८८ वटै पालिकाबाट उपस्थित हुनुभएका
२७२ जना शिक्षक स्काउट मास्टर बन्नु भएको छ ।
“एक घर एक स्काउट अभियान”सुरू भएको छ ।
अबका दिनमा स्काउटका विभिन्न तालिम लिएका स्काउटरहरु
सक्रिय भई विधालय र समुदायमा
ट्रुप, क्र्यु खोलेर स्काउटिङ्ग शिक्षालाई निरन्तरता दिनेछन् ।